Coldplay,
Embrace,
U2,
Goo Goo Dolls,
Oasis,
The Killers,
Y Cyrff,
Idlewild,
Catatonia,
Stereophonics,
Kasabian,
Hard-Fi.

VANTA yw:

- Mei Emrys:
Prif Lais a Gitar Rhythm;

- Gerallt Hughes:
Drymiau;

- Emyr P. Davies:
Gitar Fas a Llais Cefndir;

- Dafydd Jones:
Gitar Flaen.

[ Gweld Pob Cofnod ]

Vanta yw un o fandiau mwyaf poblogaidd y sîn roc Gymraeg. Mae eu caneuon yn cyfuno melodiau Coldplay, Embrace a Snow Patrol gyda swn epig U2 a’r Goo Goo Dolls, ac mae'r band eisoes wedi rhyddhau tair cryno ddisg ar label RASP (Fflach).

Daeth Vanta i amlygrwydd am y tro cyntaf wedi iddynt ryddhau y gryno ddisg lwyddianus “Pedair Stori Fer e.p.” yn 2001, ond yn ystod 2005 y daeth y band i fod yn wirioneddol boblogaidd.

Wedi iddynt ddod yn drydydd yng nghystadleuaeth Cân i Gymru y flwyddyn honno – gyda’r gân “Enfys Bell” – tyfodd trac newydd arall – “Tri Mis a Diwrnod” – i fod yn anhygoel o boblogaidd, ac mae’r gân honno’n parhau i fod yn un o’r traciau sy’n cael ei chwarae fwyaf ar sianeli radio fel BBC Radio Cymru a Champion 103 hyd heddiw. Mae hi i’w chlywed ar y c.d. “Caneuon o’r Gwaelod e.p.”, a gyrhaeddodd rif un yn Siart C2 yn gynnar yn 2006.

Cryfhawyd swn Vanta yn ddiweddar wrth i ddau aelod newydd – Emyr a Daf – ymuno â’r band yn llawn amser. Ar hyn o bryd, mae’r hogia’ wrthi’n gweithio ar ganeuon newydd (gyda’r gobaith y bydd c.d. newydd yn cael ei rhyddhau ar ddechrau 2008), ac mae nhw hefyd yn bwriadu gigio yn gyson yn ystod y misoedd nesaf.

Bydd manylion pob gig sy'n cael ei drefnu i’w gweld yma, ac os oes gennych chi ddiddordeb mewn cael Vanta i chwarae mewn gig i chi, mae croeso i chi gysylltu gyda ni drwy yrru neges i ni ar y wefan hon, neu drwy gysylltu gyda Rhys Mwyn (01286 685 215 / rhys@rhysmwyn.com) neu Alan Jones (07917770643).

Nos Sadwrn, 16/02/2008 - Gig y 'Steddfod Ryng-Golegol, Coleg y Drindod, Caerfyrddin.

Nos Iau, 28/02/2008 - Clwb Cymru @ Clwb Nos Amser, Undeb Myfyrwyr Bangor.

"Pedair Stori Fer e.p." (RASP, 2001)

"Dagrau Llawenydd e.p." (RASP, 2002)

"Caneuon o'r Gwaelod e.p." (RASP. 2006)