|
Mae'r gantores soul o Nefyn, Aimee Duffy, neu "Duffy" wrth ei galw yn ôl ei henw Artist, wedi taro "Basshunter" oddi ar frig y Siart Brydeinig, a hynny ar lawrlwythiadau yn unig.
Mae ei chân "Mercy" yn hynod boblogaidd ar hyn o bryd, ac mae'r artist wedi tyfu mewn poblogrwydd ers clywed ei sengl gyntaf "Rockferry" a ryddhawyd ym mis Rhagfyr.
Bydd y ddwy gan ar gael ar albwm gyntaf Duffy, "Rockferry".
Mae Aimee Duffy yn gyn-gystadleuydd ar y rhaglen dalent gerddorol S4C, Wawffactor, ac fe ddaeth yn ail yn y gystadleuaeth, â Lisa Pedrick yn ei churo yn y rownd derfynol.
Bydd "Rockferry" ar gael yn eich siopau lleol o Fawrth 3ydd.
|
